25 août 2021

🇷🇪❤️❤️ KREOLOKOZ Ft. DJ SANJIVA (clip officiel) – « Akoz Akoz » – Août 2021🇷🇪🌋🌋

Auteur : Gaël Velleyen 🎶🎙
Compositeur : Dj Sanjiva 🎹🎸
Mix/mastering : Dj Sanjiva🎚🎛🎧
Cadrage/réalisation : 436 (Don alberto) 🎬📽
Production : LE10 📀

https://www.youtube.com/watch?v=Vd-NBxjDJ0s

Paroles :

Out ti kér lé brizé
Mé dofé dan out kér lé atizé
Si lamour la fé in fo pa
Alor kilpabilizé, i fo pa

Lamour konm in fizé
La lès zis in tras
Ou la pou kour déyér
Out vi lé malizé, vandalizé
Non non,fo pa kour déyér

É Souvan dmoun i di vomié èt tousèl
Ké mal akonpanié
Ou lé pa lo promié
Pou bril out zèl
Ou sora pa lo dérnié

Rofrin :
Akoz, akoz out kér lé ankolér ?
Wi out kér lé lour ?
Ou san konmsik ou lé anprizoné
An minm tan konmsik ou lé abandoné
Kozé kozé,
Di amwin ton doulér
Ton sagrin Lamour
Vyin dépoz ton fardo si mon zépol
Mèt ali an parol
Pou ké li anvol

Défwa ou rod in frison
Èk in garson
Ou krwa sé out lam sér
Mé si ou la mord a lamson
Minm an dousér
Lé tro tar ti sér

Nora la limiér dési ton somin
Avan é apré sak tinèl
Nadfwa ou ariv a lafin
In Listwar damour k’lété étérnèl
Lé tro fasil di : « vomié
Èt tousèl »
Ké mal akonpanié
Ou lé pa lo promié
Zoli manmzèl
Ki tonm dan son panié

Na dot koulér si somin lamour
Pa riyink doulér si somin lamour
Na zoli flér si somin lamour
Somin lamour